فریادالله

میرویس جلالزی

د کندهار د اطلاعاتو او فرهنګ ریس عبدالمجیدبابي ناځوان مرادنه قتل نن په پراخه کچه د کور دننه او له هیواد څخه بحر محکوم شو.

عبدالمجید بابی د چهارشنبې په سهار د کندهار  ښار په زړه کې د ناڅرګندو ټوپک والو په  ډزو سره شهید کړای شو.

د بینوا ویب پاڼي د کابل څانګي ته له بهر او د افغانستان له بیلا بیلو ولایتونو
څخه په را رسیدلو بریښنا لیکونو او ټلیفوني پیغامونو  کې زمونږ هیوادوال دغه برید په شدیدو الفاظو غندي او عاملیونو ته یې د جهنم غوښتنه کوي.

عبدالمجید بابی یو فرهنګ پاله اوحلیم شخصیت ووچې له څو کلونو را پدې خوا یې د کندهار د  اطلاعاتو او فرهنګ ریس په توګه دنده تر سره کوله.

نوموړي دکندهار د فرهنګ اوادب په بډایه کولو او د رسنیو او تاریخي اثارو په غوړولو او موندلو کې نه هیریدونکي هڅي کړي وي.

د بینوا ویب پاڼه هم په خپل وار سره د عبدالمجید بابې وژنه غندي او دغه تروریستي، غیر اسلامي، غیر انساني او ناڅوان مردانه کار محکوموې.

د بینوا ویب پاڼې اداره په افغان حکومت او نړیوالومرستندویانو غږ  کوي چې د نوموړي د قتل  دوسیه په جدي توګه وڅیړي او عاملین یې د ټولو مخې ته محاکمه کړي، نه دا چې د شهیدبابي د قتل دوسیه هم د نورو دوسیو په څير د پولیسو د مرکزونو په آلماریو کې د خاورو تر انبارونو لاندي شي.

د یادولو وړ ده چې ډیر ژر به په کابل کې د شهید بابي په اړه د بینوا ویب پاڼي د همکارانو په مټ یوه غونډه هم جوړه شي او پکې به د هغه د قتل مسله وڅیړل شي.       د بینوا نه په  مننه  عا مر خان