بېګاه خو وکړه راته ستورو د لــــــــوګــــــــــــرو کیسه

زمــــــــا د ښــــــکلي وطـــــــن لـــــــرې مســاپرو کیسه

د حسن خال دی ورنــــــــه وړی د ښکـــــــــاري مرمیــو

ځـــــالـــــــــې دي ورانـــــې په ژړا شــوه د کوتروکیسه

وایي چې نه مري د قاتلــو لـــــــــه کـــــــــوڅـــو راغلي

داسې یې وګڼـــه جــــــانـــــــانــــه د کــــــــوډګرو کیسه

څومره سخت زړي دي د خپلې مـــــورپښې پرې کوي

د هوسۍ خولـــه کې وچه شــــــــوې د نښـــــترو کیسه

مایې قامت د سیوري ولید چې لــــــــه غره نه دنګ و

دلته کېدلــه په دې کلي کـــــــــــــې د زغـــــــــرو کیسه

خدایه دا څومـره توپـــــــــاني بــــــــــادونه راغلل دلته

اوس خو څوک نه کـــــوي پـــــه لاره د ګـور ګرو کیسه

موږ یې د هیلو په غــــــوټیـــــــــــو کې ماښام تېر کړی

د سین څپو کې هم اوس نــه شـــــــــته د سندرو کیسه

لیکوال :: قاضي احسان الله الینګاری