وايس اف امريکه

ژباړه الفت

الفت : د جمعې په ورځ د هندستان د يو ښار رانجي څخه ٤٥ کيلوميتره لري ، جهاړ ګهنډ کي ، د ماشومانو د ملي ورځي د لمانځني په مراسيمو کي په يوه ښونځى کي ماشومانو باندي شيدې وويشل سوې  چي له امله يې ٦ ماشومان د ژوند څخه بې برخي سوه

ګمان کيږي چي په دې شيدو کي زهر ګډ سوي وه ، چي په رسمي ډول يې د حقيقت څرګندلو په موخه څيړني پيل سوي دي

ويل کيږي چي د نورو ٨ ماشومانو حالت د انديښنې وړ دى ، هغوى دا مهال د را جندر په يوه روغتون کي تر درملني لاندي دي .

د شنني مطابق  ، د جهار ګهند په يوه ښونځۍ کي د ماشومانو د ورځي په مناسبت ماشومانو ته د څښلو لپاره شېدې چي  ګمان کيږي زهر پکي ګډ سوي وه ورکول سوې چي د څښلو سم وروسته د سلو څخه ډير ماشومان بې هوشه سوه ، چي سم دستي يوه روغتون ته ورسول سوه په هغوى کي ٦ ماشومانو خپل ژوند له لاسه ورکړ .

د جهاړ ګهنډ  والي چي دا حيرانونکى خبر واوريدى نو روغتون ته ورغى  او د مړو ماشومانو مشرانو ته يې د يو يو لک روپو ورکولو اعلان وکړ . ددې تر څنګ د ټولو ښونځيو مديران او ټول کارکونکي ونيول سوه .

هغوى وويل چي موږ به ژوره څيړنه کوو چي شيدو ته زهر له کومه راغله چي له امله يې مظلوم ماشومان ووژل سوه ، د هغوى وينا ده که چيري اړتيا وي نو دوسيه به  ستره محکمې ته  وليږي او عاميلينو ته به يې ترخه سزا ورکړي .

د والي شيبهو سورن  وينا ده چي دا کسان به و نه بخښل سي  .

بل اړخ ته ددې پيښي اوريدو سره  سم  په ټول ښآر کي د هړ تال اعلان وسو او لاريونونه را ووتل